Ангилал: Зөвлөгөө

Охидод цаг хугацаа хэмнэх, амар хялбар гоо сайхны зөвлөгөө л хэрэгтэй. Сургууль, хичээл, секц дугуйлан гээд бидэнд өөртөө зориулах цаг маш бага. Харин бид танд цагийг чинь хэмнэх хамгийн хялбар гоо сайхны зөвлөгөөг хүргэж байна.
Хамгаалагч вазелин
Вазелин бол охин минь чиний хамгаалагч л гэсэн үг. Үүнийг арьс хуурайшсан хэсэгт түрхэж, сэргээн засвар хийж болохоос гадна нүдний тенийг арилгахад хэрэглэнэ. Вазелинийг юунд ч хэрэглэж болно. Гэхдээ хэт зузаан түрхвэл батга үүсч мэднэ шүү.

Үс өрвийгөөд байвал чийгшүүлэгч хэрэглэ
Үс өрвийсөн үед чийгшүүлэгчнээс гартаа түрхээд үсээ хоёр гараараа үрээрэй.

Дутуу арилсан хумсны будаг
Хумсны будаг нь арилж амжаагүй хуруугаа талласан нимбэгэнд дүр. Таван минутын дараа хумсны будаг арилж өнгө нь сэргээд ирнэ. Энэ бол топ загвар өмсөгчдийн шилдэг арга юм шүү.

Сүрчгээ бугуйндаа түрх
Биеийнхээ хамгийн нимгэн арьстай хэсэгт сүрчгээ түрхвэл үнэрээ удаан хадгална. Ялангуяа олон хүнтэй гар барих бол бугуйндаа түрх.
Харин чихнийнээ ард түрхвэл зөвхөн өөрийг чинь үнсэх азтай нэгэн л ямар сүрчиг түрхсэнийг чинь мэднэ.

Аяга ус охидын хамгийн сайн найз
Та амьдралдаа хэдэн ч гоо сайхны зөвлөгөөг туршиж үзсэн бай хамгийн чухал нь өдөр бүр бие махбодод шаардлагатай усыг ууж байх. Ингэж чадвал арьс, үс эрүүл өнгөлөг, залуу хэвээр байх болно.