Ангилал: Зөвлөгөө

Хатуу шаардлагатай хүн болох гэж хүүхдийг сүрдүүлэх нь ашиг болохоосоо илүү хортой байна. Энэ нь хүүхдийг зөвхөн аав, ээжийнхээ үгийг л дагадаг болгодог. Хожим нь аажимдаа хүүхдэд эцэг, эхийн үг үнэ цэнэгүй болж эхэлнэ. Харин уян хатан ухаалаг байх нь хүүхдийнхээ хүсэл бодол, сэтгэл хөдлөл, баяр гунигийг хуваалцана.


Зөөлхөн, зөв ааштай болгох гэж хүүхдийг зөнгөөр нь орхих нь хүүгээ санаанаасаа гадуур хүмүүжүүлэн толгой дээрээ гаргана гэсэн үг. Зөнд нь тавьсан хүүхэд аав, ээжийнхээ үгийг үг гэж бодохгүй болж ахмад хүмүүс, дүү нараа хүндэтгэхгүй аажмаар нийгмийн хэв журмыг зөрчих явдал ч гаргана.Хүүхдийг өмөөрөх нь тэднийг уйланхай, ховч занд сургадаг. Ингэж өмөөрөх нь хүүхдийг зожиг байдалтай болгодог. Ялангуяа гэр бүлийн гишүүд бие биенээсээ хүүхдийг өмөөрдөг. Энэ нь хүүхдийн сэтгэлийн зоригийг мохоодогосоо гадна хэн нэгний үг нь тоохгүй, хүндэтгэхгүй болдог байна.